Program 2019

Arrangementa på Lom skifestival er berre tilgjengelege med festivalpass – som du kan kjøpe her.

TORSDAG 2019

19-23 / OPE HUS PÅ NORSK FJELLSENTER
Registrering og ope hus på Norsk fjellsenter. Vi serverer kaffi, Gjendekjeks og vafler.

21.00 / SAMLING MED TURINFO
Samling på Norsk fjellsenter med informasjon om skiturane fredag.

FREDAG 2019

FRÅ 08.00 / NORSK FJELLSENTER OPNAR
… og vi serverer morgonkaffi.

08.30 / SAMLING
Vi samlast i turgruppene saman med guiden.

09.00 / UT PÅ TUR
Guida turar med avreise frå fjellsenteret. Les om dei guida turane her. Vi oppfordrar til samkøyring! Plass på guida turar kjøper du på ffshop.no.

15-midnatt / BÅLKOS OG ETTERTURING
Etter dagens tur samlast vi på fjellsenteret til bålkos og etterturing. 

15.00 / SUPPE OG VARM VIN
Sal av suppe frå Brimi sæter, brød frå Bakeriet i Lom og heimgjort glühwein.  

17.00 / BLI BERGTATT
Omvising i utstillinga Bergtatt. Sjå sensasjonelle fonnefunn og dei meir enn tusen år gamle skia som har smelta fram frå Lendbreen og i Breheimen. 

17.30 / TURINFO
Vi samlast og går gjennom morgondagens turar.

18.00 / OPNING
Konferansier Mari Arnøygard Wedum sparkar underhaldninga i gang. 

18.45 / FOREDRAG
Korleis unngå å la seg rive med? Friviljug redningsmann Albert Lunde arbeidar med ein doktorgrad om fjellredning. Denne kvelden delar han kunnskap om korleis du kan helde balansen på tur under farlige forhold. 

19.45 / FILM / HØGRUTA I JOTUNHEIMEN
Sjå Friflyt sin ferske webserie frå den originale høgruta i Jotunheimen. Kva pakkar du i sekken til ein slik tur?  

20.45 / FOREDRAG / STUPET FRÅ LOFTET
Høyr Tobias Matteusson og Thomas Ivner fortelje om då dei valde feil retning og køyrde utfor eit stup på fjellet Loftet i Jotunheimen.  

22.00 / FEST 

LAURDAG 2019

FRÅ 08.00 / NORSK FJELLSENTER OPNAR
… med morgonkaffi og fyr i peisen.

08.30 / SAMLING
Vi samlast i turgruppene saman med guiden.

09.00 / UT PÅ TUR
Guida turar med avreise frå Norsk fjellsenter. Les om dei guida turane her. Vi oppfordrar til samkøyring! Plass på guida turar kjøper du på ffshop.no.

16.00 / BADING I BØVRA
Kickstart kvelden med eit bad du aldri vil gløyme! Konferansier Mari Wedum ledar an. 

16-20 / BÅLKOS OG ETTERTURING
Vi samlast på Norsk fjellsenter for bålkos og etterturing. Sal av supe frå Brimi sæter, øl og glühwein. 

16-17.30 / BLI BERGTATT
Ta ei runde i utstillinga Bergtatt og sjå dei meir enn tusen år gamle skia funne ved Lendbreen og i Reinheimen.

17.30 / NØDKJELKE, BRENNAR OG BINDING  / WORKSHOPS
Sving innom ein arbeidssesjon og bli betre førebudd for neste tur. Her kan du lære om vedlikehald av telt og brennar, korleis du lagar ei nødkjelke og korleis du stillar inn ei moderne binding. 

18.30 / FILM 
FILM «Toss the pigs to Jotunheimen» fire frikøyrarar dro på eventyr i Gjende-alpane med hundespann for å finne dei beste rennene sist vår. 
FILM «Bergtatt» – Ein film om tre norske skikøyrarar: Marit Rolvsjord, Lisen Strøm og Ida Hilde Gunleiksrud, og deira skieventyr i Sogn og Romsdalen vinteren 2019. 

19.30 / PREMIEUTDELING
Hugs å #lomskifestival! Rykta seier det blir fine premiar og heider og ære for dei beste skifestivalbilda i ymse kategoriar i år også.

20.00 / FESTIVALMIDDAG OG -PUB
Vi flyttar oss over til Nordal turistsenter eit steinkast frå Norsk fjellsenter. Her blir det servert heilgrilla hjort og dessert. Kvelden fortset med pub, underhaldning og god stemning. Den musikalske supertrioen Pål Svindland, Magnus Wiik og Viktor Wilhelmsen spelar opp til dans. Dei gjestar fleire sjangrar, men bluegrass ligg dei nærast hjarte. 

SUNDAG 2019

UT PÅ TUR?
Nokon vil sove ut eller sitte ved peisen med ein kopp kaffi, andre vil ut på tur i dag igjen og nokon vender skia heim. Norsk fjellsenter har ope utover formiddagen, men arrangerer ikkje guida turar denne dagen. Rykta seier det er særs god frukost på Fossheim hotell denne sundagen.

Skifilmar av ypparste klasse både fredag og laurdag.
Skifilmar av ypparste klasse både fredag og laurdag.
Segnomspunnen festivalmiddag på Nordal turistsenter laurdag kveld.
Segnomspunnen festivalmiddag på Nordal turistsenter laurdag kveld.
Inn i sola, opp på fjellet på guida skiturar med Gjendeguiden.
Inn i sola, opp på fjellet på guida skiturar med Gjendeguiden.
Etterturing og foredrag på Norsk fjellsenter - og nydeleg supe frå Brimi sæter!
Etterturing og foredrag på Norsk fjellsenter – og nydeleg supe frå Brimi sæter!