Program

Arrangementa på Lom skifestival er berre tilgjengelege med festivalpass – som du kan kjøpe her.

TORSDAG

19-23 / OPE HUS PÅ NORSK FJELLSENTER
Registrering og ope hus på Norsk fjellsenter. Vi serverer kaffe, Gjendekjeks og vafler.

20.00 / SAMLING MED TURINFO
Vi samlast på Norsk fjellsenter for informasjon om skiturane.

FREDAG

FRÅ 08.00 / NORSK FJELLSENTER OPNAR
… og vi serverer morgonkaffe.

08.30 / SAMLING
Vi samlast i turgruppene saman med guiden.

09.00 / UT PÅ TUR
Guida turar med avreise frå fjellsenteret. Les om dei guida turane her. Vi oppfordrar til samkøyring! Plass på guida turar kjøper du på ffshop.no.

16-midnatt / BÅLKOS OG ETTERTURING
Etter dagens tur samlast vi på fjellsenteret til bålkos og etterturing. 

16.00 / SUPPE OG VARM VIN
Sal av suppe frå Brimi sæter, brød frå Bakeriet i Lom og heimgjort glühwein.  

17.00 / OPNING
Konferansier Mari Arnøygard Wedum ynskjer velkommen til Jotunheimen og skifestivalen. Vi tek deg tilbake til skienes historie og introduserer deg for
 «the viking skier».

17.15 / BLI BERGTATT
Omvising i den splitter nye utstillinga Bergtatt. Ta ein tur i vêrrommet, leik deg med sand og vatn og lær om dei meir enn tusen år gamle skia som har smelta fram frå Lendbreen og i Breheimen. 

18.00 / TURINFO
Vi samlast og går gjennom morgondagens turar.

18.30 / FILM, FOREDRAG OG DJ
Chionosofering:
Laussnoheltane og Rewild-stjernane Sondre Loftsgarden og Karl-Kristian Muggerud synar oss heftige filmklipp og filosoferar kring skikøyring og bruk av naturen. 

Film: Rewild The Mountain
Storslått vill natur gjev moglegheiter for ettertanke. Ideen til filmen er eit resultat av tankar som har oppstått i fjellet. Å føle seg ubetydeleg liten blant brear og tindar kan få oss audmjuke. Det kan vi ta med oss når vi tek vare på og forvaltar livsgrunnlaget vårt – vi må spele på lag med naturen.
Rådgjevar i Klima- og miljødepartementet Kjersti Aarak Tvedt og frikøyrar Linn Cecilie Mæhlum, ei av stjernane i filmen, seier nokre ord før den snurrar i gang. Regi: Johan Wildhagen, 2018.

Foredrag: Filmvitar på bygda
Om å velge seg ei bygd – og kvifor skal all skikøyringa filmast? Marit Aakre Tennø er filmvitar og busett i Jostedalen. Ho har arbeidd mykje med bygdeutvikling, og i foredraget snakkar ho om skifilm som fenomen, og om kvifor ho valgte eit liv nærare naturen.

Film: Millåm bakkar og berg
Sunnmørsalpene har i over hundre år vore ei vogge og arena for alpint friluftsliv og skisport, men korleis blir fjella brukt av dagens generasjonar? Storfjellshingsten Karsten Gefle som er med i filmen, seier nokre ord før den snurrar i gang. Så tek filmen oss med på spektakulære eventyr i Sunnmøre med særskilt fjellglade folk. Kva motiverer dei til å bruke så mykje tid i naturen, og kva er eigentleg det viktigaste i livet? 
Med: Karsten Gefle, Petter Westgaard, Leif Hoggen, Eirin Myklebust, Asbjørn Eggebø Næss, Are Reed, Syver Skar Eriksen.
Produsert av Ranglefanten film.
Sjå trailer.

DJ Matz Ruud
… tek over og spelar oss inn i dei små timane.

LAURDAG

FRÅ 08.00 / NORSK FJELLSENTER OPNAR
… med morgonkaffe og fyr i peisen.

08.30 / SAMLING
Vi samlast i turgruppene saman med guiden.

09.00 / UT PÅ TUR
Guida turar med avreise frå Norsk fjellsenter. Les om dei guida turane her. Vi oppfordrar til samkøyring! Plass på guida turar kjøper du på ffshop.no.

16-20 / BÅLKOS OG ETTERTURING
Vi samlast på Norsk fjellsenter for bålkos og etterturing. Sal av kjøttkaku på gaffel, pølse frå bålpanna og glühwein. 

16-17.30 / BLI BERGTATT
Ta ei runde i utstillinga Bergtatt som opna i sommar. Test ut vêr-rommet, lag ei demning av sand og sjå dei meir enn tusen år gamle skia funne ved Lendbreen og i Reinheimen.

17.30 / PREMIEUTDELING
Hugs å #lomskifestival! Rykta seier det blir fine premiar og heider og ære for dei beste skifestivalbilda i ymse kategoriar.

18.00 / FILM
Norgespremiere: Face of Winter
Volkswagen presenterer Face of Winter med mellom andre verdstjerna Dennis Risvoll frå Vågå som også deltek på skifestivalen:
Warren Miller helped create and capture the magic of skiing, and this fall, Warren Miller’s Face of Winter, presented by Volkswagen, will bring top athletes together to pay tribute to the man who started it all. Come along to far off regions, meet the locals, and carve turns down the faces of remote mountain ranges. Go to warrenmiller.com for more.

20.00 / FESTIVALMIDDAG OG -PUB
Vi flyttar oss over til Nordal eit steinkast frå Norsk fjellsenter. Her blir det servert grilla elglår og moltedessert. Kvelden fortset med pub på Nordal, der Lomskvartetten sørgjer for genuin lomsstemning.

SUNDAG

UT PÅ TUR?
Nokon vil sove ut eller sitte ved peisen med ein kopp kaffe, andre vil ut på tur i dag igjen og nokon vender skia heim. Norsk fjellsenter har ope utover formiddagen, men arrangerer ikkje guida turar denne dagen.

Sjå Warren Millers film Face of Winter på skifestivalen. Vi kan love at du blir bergtatt.
Sjå Warren Millers film Face of Winter på skifestivalen. Vi kan love at du blir bergtatt.
Molte og elg på menyen under festivalmiddagen laurdag kveld.
Molte og elg på menyen under festivalmiddagen laurdag kveld.
Inn i sola, opp på fjellet på guida skiturar med Gjendeguiden.
Inn i sola, opp på fjellet på guida skiturar med Gjendeguiden.
Etterturing og foredrag på fjellsenteret - og kjøttkake på gaffel!
Etterturing og foredrag på fjellsenteret – og kjøttkake på gaffel!